Kukësi dhe Gjilani kanë gjetur gjuhën e përbashkët për huazimin e portierit Angleo Tafas te skuadra kosovare, që drejtohet nga trajneri Klodian Duro.
Gardiani 22-vjeçar do të jetë pjesë e gjilanasve, për ndeshjet europiane. Pas largimit të Enea Koliçit drejt Ballkanit, drejtuesit e Gjilanit, e panë si zgjidhje alternative huazimin e portierit të Kukësit. Pas kupave të Europës, gardiani pritet të rikthehet sërish në Kukës, pasi shihet si tepër i rëndësishëm për projektin e bluve këtë edicion, për më tepër që është një futbollist nën kontratë.
Vlen të theksohet fakti se Gjilani do të nisë aventurën europiane më 13 korrik me ndeshjet eliminatore të Conference League, ku shorti e vuri përballë luksemburgasve të Progres Niederkorn. Skuadra kosovare, shpreson te një paraqitje dinjitoze në këtë aventurë Europiane. Në ditët në vijim pritet që ekipi i Duros të kompletohet plotësisht./PanoramaSport
Discussion about this post