Lajme të mira nga Bergamo. Berat Gjimshiti ka lënë pas dëmtimin dhe mund të rikthehet të luajë që këtë fundjave në ndeshjen që Atalanta ka me Venezian në Serie A.
Sipas shtypit italian, kapiteni i kombëtares shqiptare është stërvitur normalisht me skuadrën dhe pritet të jetë një opsion për trajnerin Gasperini këtë fundjavë.
Berat Gjimshiti ishte një nga mungesat kryesore për teknikun Silvinjo në dy ndeshjet e muajit tetor. Ai pësoi një goditje në takimin e Champions League ndaj Shakhtar Donjetck, ku shënoi gol dhe pas pushimit të sfidës, shtatlarti u zëvendësua pas një problem në ije, në anën e majtë, që siç shkruhet e ka shqetësua prej kohësh futbollistin shqiptar.
Pushimi nga kombëtaret i ka bërë mirë mbrojtësit që është kthyer në stërvitje dhe është gati për sfidën ndaj Venecias. Madje sipas gazetave italiane, nëse çdo gjë shkon mirë, Gjimshiti mund të jetë që në formacionin startues të dielën në orën 15:00 në Venecia.
Discussion about this post