Një autoambulancë është përfshirë në një aksident në Gjirokastër. Mësohet se autoambulanca me drejtues shtetasin Roland Tushe ka përplasur një automjet të drejtuar nga Aurel Sherifi.
Si pasojë e aksidentit ka mbetur e dëmtuar pacientja që po transportohej në spital, e identifikuar si Vasiliqi Kuro.
“Rreth orës 16:55, në bulevardin “18 shtatori”, automjeti (autoambulancë) me drejtues shtetasin R. T., ka goditur automjetin me drejtues shtetasin A. Sh. Si pasojë është dëmtuar pacientja që ndodhej në autoambulancë shtetasja V. K., e cila ndodhet në spital në kujdesin e mjekëve”, informon policia.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
Discussion about this post