Gjirokastër, burri qëllon me armë zjarri ndaj familjarëve

Një 47-vjeçar është arrestuar nga policia e Gjirokastrës pasi qëlloi me armë gjahu, në drejtim të banesës ku ndodheshin familjarët e tij.

Ngjarja ndodhi rreth orës 09:15 në zonën e quajtur “Ura e lumit”.

Nga informacionet paraprake nga policia lokale, bëhet me dije se 47-vjeçari rrëmbeu armën dhe qëlloi në drejtim të banesës së familjarëve pas një konflikti për motive të dobëta.

Pas ndërhyrjes dhe arrestimit të personit në fjalë, u gjet dhe u sekuestrua në cilësinë e provës materiale, arma e gjahut me të cilën qëlloi.

Nga të shtënat nuk raportohet për të dëmtuar.

“Menjëherë pas njoftimit se rreth orës 09:15 të mëngjesit të sotëm, për motive të dobëta, një shtetas kishte qëlluar me armë gjahu, në drejtim të banesës ku ishin familjarët e tij, në zonën e quajtur “Ura e lumit”, shërbimet e Komisariatit të Policisë Gjirokastër organizuan punën dhe mbërritën në vendin e ngjarjes, për të arrestuar shtetasin përgjegjës. Si rezultat, u bënë të mundur parandalimi i përshkallëzimit të mëtejshëm të këtij konflikti, si dhe arrestimi i autorit të dyshuar, shtetasit L. S., 47 vjeç, banues në Gjirokastër”, thuhet në njoftimin e policisë.