Dy barake që iu përkasin shtetasve të komunitet rom janë shkrumbuar nga zjarri mesditën e sotme, në Gjirokastër.
Raportohet se shkak i zjarrit ka qenë një shkëndijë elektrike në frigoriferin e njërës prej tyre.
Fatmirësisht në momentin e zjarrit nuk ka pasur njerëz brenda. Barakat u shkatërruan plotësisht, ndërsa ndërhyrja e forcave zjarrfikëse parandaloi përhapjen e flakëve edhe në barakat e tjera të ndërtuara në dalje të qytetit, pranë vendit të quajtur “Postblloku”, lagjja “Punëtori”.
