Dy persona janë arrestuar ditën e sotme në Gjirokastër, pasi janë kapur duke transportuar 21 emigrantë të paligjshëm.
Sipas policisë, Senet Goxha 31 vjeç dhe Edmir Balla 44 vjeç, u kapën në aksin rrugor Pogon-Zagorie, duke transportuar me automjetet tip “Suzuki” dhe “Mitsubishi”, 21 emigrantë të paligjshëm nga vendet e treta, në drejtim të Tiranës, kundrejt fitimit.
Në cilësinë e provës materiale u sekuestruan dy automjet dhe dy aparat celular. Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
