Një tjetër vatër infeksioni është hapur në shkollën e Dervicanit, në Gjirokastër.Në këtë shkollë rezultojnë pozitiv me Covid-19 8 nxënës dhe 4 mësues.Shefi i shërbimit epidemiologjik, Arenc Brahimi shprehet se shkak për këtë përhapje masive të virusit është mos kryerja e vaksinimit nga të rinjtë, ndonëse të infektuar janë dhe mësuesit, të cilët janë të vaksinuar si pasojë e urdhërit nga Ministria e Shëndetësisë, për vaksinim të detyruar tek mësuesit.
Në qytetin e Gjirokastrës janë mbi 360 raste aktive me Covid-19.
Gjirokastra është qyteti i tretë për të cilin raportohet se në shkolla ka nisur infektimi masiv. Sipas informacioneve të marra nga Njesia Vendore e Kujdesit te Shendetit Publik ne Fier, 14 mësues kanë rezultuar pozitiv me Covid-19, nga të cilët 13 janë pjesë a arsimit publik dhe vetëm një në arsimin privat.
Një klasë e 11-të e shkollës së mesme të Këlcyrës është mbyllur. Ky vendim ka ardhur pasi 7 nxënës të një klase me gjithsej 20 të tillë kanë rezultuar pozitivë me Covid-19. Klasat do të qëndrojnë të mbyllura për 14 ditë me rradhë në mënyrë që nxënësit e infektuar të karantinohen dhe të sigurohet që ky zinxhir infektimesh do të ndërpritet.
Discussion about this post