Gjykata kundër Korrupsionit dhe Krimit të Organizuar ka lënë në burg, efektin e policisë, Elefterios Sullaj dhe dy bashkëpunëtorët e tij, të cilët u kapën me një sasi kokaine në makinë.
Siç ka rezultuar, dosja ka nisur në Përmet, ky Prokuroria ka qenë duke hetuar dy vëllezër nga Shkodra për trafik narkotikësh. Nga përgjimet ka rezultuar se një nga vëllezërit flet më telefon gjatë kohës që ishte në kërkim me një person duke aluduar se për të takuar babanë në spital ka paguar 40 euro policin që të mos e shqetësonte. Për këtë episod është ngritur akuza e korrupsionit.
Pas verifikimeve ka rezultuar se më turn ka qenë Elefterios Sullajn. Efekrivi është vënë në përgjime ku ka rezultuar se ka miqësi me Mikel Zhegun. Ky i fundit nga hetimet rezulton se është shpërndarës kokaine në Tiranë.
Sullaj u arrestua bashkë me dy bashkëpunëtoret e tij, Mikel Zhegu, i dyshuar për prodhim dhe shitje të lëndëve narkotike si dhe Eris Tafa, i cili akuzohet për largim të të burgosurit nga vendi i qëndrimit.
Sullaj bënte ‘mburojën’ e shokëve të tij që i ndihmonte të shmangnin kontrollet e kolegëve të tij, madje shpesh herë bënte edhe rolin e shoferit teksa shpërndanin kokainë në zonën e ish-Bllokut dhe zonën e Komunës së Parisit.
