Gjykata e Posaçme ka kërkuar që të rikualifikohet akuza për Ilir Beqajn, Klodjan Rjepaj dhe Ilir Rrapaj në lidhje me dosjen e “Sterilizimit”.
Trupa gjykuese ka kërkuar në seancën e kësaj të hëne që Beqaj, Rrjepaj dhe Rrapaj të akuzohen për “vjedhje duke shpërdoruar detyrën” dhe “grup kriminal”.
Prokuroria tha se pranon të ngrenë akuzat ashtu siç i sugjeron gjykata, pavarësisht se mendon se akuzat e ngritura prej SPAK-ut ishin të drejta.
Seanca u shty për më 9 janar.
Më herët, SPAK ngriti akuzën penale të “shpërdorimit të detyrës” për ish-ministrin Beqaj lidhur me procedurat e dhënies së koncesionit me vlerë 100 milionë Euro, në vitin 2015. Ndërsa për Rrapajn dhe Rrjepajn ngriti akuzën e “falsifikimit të dokumenteve”, “mashtrimit” dhe “shpërdorimit të detyrës”.
Më 30 Mars të këtij viti, SPAK mbylli hetimet për dosjen e koncesionit të “Sterilizimit” dhe dërgoi në gjykatë dosjen ndaj 9 personave të vënë nën akuzë, mes tyre dhe ish-ministri i Shëndetësisë, Ilir Beqaj.
Nga hetimet ka rezultuar se ish-ministri nuk ka evituar konfliktin e interesit me biznesmenin Ilir Rrapaj, fituesin e koncesionit me vlerë 100 milionë Euro dhe nuk ka kërkuar studim të detajuar për nevojat e sterilizimit në mënyrë që të zgjidhte një variant më pak të kushtueshëm.
Në këto kushte, SPAK ka vënë në akuzë edhe Ilir Rrapajn në cilësinë e aksionerit të kompanisë dhe ish-zëvendësministrin e Shëndetësisë në atë kohë, Klodian Rjepaj, të cilët prej Gushtit 2023 ndodhen në burg.
Lexo edhe:
I shtohen akuzat, biznesmeni Rrapaj humb ndjenjat në gjykatë
Discussion about this post