GJKKO ka lënë në fuqi masat e sigurisë ndaj Jamarbër Malltezit dhe Fatmir Bektashi. GJKKO vendosi që për Malltezin të mbetet në fuqi masa e sigurisë “arrest me burg”, ndërsa për ndërtuesin Bektashi u la në fuqi ajo e “detyrimit të paraqitjes”.
Avokatët, në përfundim të seancës, thanë se me një vendim të tillë dhe me akuzat e ngritura po vihet në diskutim “siguria juridike”.
Avokatja Antoneta Sevdari tha se nuk ka vepra penale dhe kërkoi shuarjen e masave të sigurisë. Avokatët kanë paraqitur 45 faqe mbrojtje në GJKKO, e cila la në fuqi masat paraprake.
“Nuk gjendemi para një shkeljeje, nuk ka vepër penale”, tha avokatja Sevdari.
Ndaj Malltezit dhe Bektashit rëndojnë akuzat e korrupsionit dhe pastrimit të parave. SPAK kërkoi në seancë lënien në fuqi të masave të sigurisë, ndërsa avokatët pretenduan se nuk ka fakte dhe prova për akuzat e ngritura.
“Qëndrimi jonë se nuk ka vepër penale për arsye se personat në hetim janë në marrëdhënie të pastër. Nuk mund të aludohet të pretendohet kyrerja e veprave penale.
Është një qëndrim mohues e them me bindje, për aq sa mundëm i pame fashikujt. Të akuzosh dikë se është një trashëgimtar i ligjshëm i një familje të madhe tiranase si Begeja, se lidhi marrëdhënie kontraktore me një trashëgimtar tjetër është shumë e guximshme.
Aludime, po cënohet parimi i sigurisë juridike”, tha avokati.
Discussion about this post