Pas marrjes nën hetim nga GJKKO, të kryetarit të bashkisë Mallakastër, Qerim Ismailaj, nën hetim për falsifikim të folmuralit të dekriminalizimit, denoncuar nga Partia Demokratike, ka reaguar sekretari i përgjithshëm i PD-së, Gazmend Bardhi.
Përmes një statusi në “Facebook”, Bardhi shkruan se marrja si i pandehur i Ismailajt, nga GJKKO, pas denoncimit të opozitës, është një akti drejt pastrimit të politikës.
Sekretari i përgjithshëm i PD-së mes rreshtash shprehet se PD ka bërë një detyrë qytetare dhe i qëndron bindjes se mund të ecet përpara drejt zhvillimit pa politikanë të korruptuar e të lidhur me krimin.
“Marrja si i pandehur i uzurpuesit ilegjitim të Bashkisë së Mallakastrës është një akt i mirëpritur drejt pastrimit të politikës. Me kallëzimin tonë në SPAK, pasi treguam me dokumenta se mandati i tij ishte i paligjshëm, PD bëri vetëm detyrën ndaj qytetarëve. Ne i qendrojmë bindjes sonë se mund të ecim përpara drejt zhvillimit pa politikanë të korruptuar e të lidhur me krimin. “, shkruan ai.
Bardhi më tej akuzon kryeministrim Rama se ka futur në politikën shqiptare modelin e politikanit gangster, që rri në pushtet përmes aleancës me krimin.Sipas tij, forma për të zhbërë këtë model është vetimi i politikanëve.
“Të zgjedhurit në parlament, në qeveri dhe në bashki duhet të jenë shërbëtorë vetëm të interesave të qytetarëve. Edi Rama futi në politikë modelin e politikanit gangster, që rri në pushtet në aleancë me krimin. Ky model duhet zhbërë përmes vetingut në politikë. Shqiptarët meritojnë të qeverisen nga politikanë me integritet.”, përfundon Bardhi.
