Disa ditë më parë, Gjykata e Posaçme e Apelit ka vendosur rëndimin e akuzës së 11 të akuzuarve për tjetërsimin e pronave në zonën e “Ranës së Hedhun” dhe në Shëngjin ku disa prej të pandehurve duhet të kthehen në burg.
Nga ana tjetër, vendimi ka krijuar një situatë jo të qartë, pasi duke dënuar me burg Mimoza dhe Bledi Ndokën ka lënë pa kujdestari dy fëmijë të mitur. Avokati Marash Ibraj, mbrojtësi i çiftit, ka dorëzuar një kërkesë pranë gjykatës së cilës i kërkon se çfarë do të ndodhë me dy të miturit.
“Kjo gjykatë duhet të shprehet edhe për fëmijët e mitur, për sa kohë është shprehur për babain Blendi Ndoka arrest me burg, dhe për nënën Mimoza Ndoka e dënuar me burg. Njëri është 3 vjeç dhe tjetri 5 vjeç. Në të gjitha ligjet është e shkruar e zeza në të bardhë duhet pasur parasysh interesi më i madh i fëmijës”
Mimoza Ndoka në shkallë të parë u dënua me 4 vite shërbim prove ndërsa Apeli e dënoi përfundimisht, me 5 vite e 4 muaj burg, ndërsa bashkëshorti Bledi Ndoka u cilësua fajtor dhe u dënua me 6 vjet e 8 muaj heqje lirie.
Pasditen e 21 tetorit 2018, autoritetet ligjzbatuese shqiptare finalizuan operacionin e njohur si “VOLVO 4”. Nga operacioni u godit grupi i laboratorit të heroinës në Has, grupi i Shijakut, ndërsa janë arrestuar edhe dy ish-deputetët e PS, Arben Ndoka dhe Arben Çuko.
Ngjarja u zbulua nga hetimet e prokurorisë për vëllain e Arben Ndokës, Gjevi Ndoka, si i lidhur me Avdylajt e Shijakut, të cilët akuzohen për trafik droge dhe porositës të heroinës së laboratorit të Hasit.
Hetimi i 339 u kthye në parodi, kur disa orë pas ekzekutimit të urdhër-arresteve, dy komisionerët e PD dhe PS, rezultuan të vdekur që në kohën kur prokurorët po hetonin shit-blerjen e votave në Durrës. Me hapjen e hetimit, përgjimet zbuluan edhe krime të tjera si shitblerje votash, korrupsion, trafik droge apo tjetërsim pronash.
Discussion about this post