Akuzat për korrupsion, kalon për gjykim dosja për Fatos Tushen

Gjykata e Posaçme ka pranuar kërkesën e SPAK dhe ka kaluar për gjykim dosjen ndaj ish kryebashkiakut të Lushnjes, Fatos Tushes dhe 11 të pandehurve të tjerë. Ndaj tyre Prokuroria e Posaçme ka ngritur akuzat e shpërdorimit të detyrës dhe shkelje të barazisë në tendera.

Arrestimi i Tushes u bë me urdhër të SPAK lidhur me një tender me vlerë rreth 23 mln lekë për rehabilitimin e një kanali ujitës në fshatrat Bishqethëm dhe Bitaj. SPAK pretendon se ish kryebashkiaku i Lushnjes, ka kryer shkelje për dhënien në favor të miqve tenderin prej 23 milionë lekësh.

Kujtojmë se, të përndehur për këtë çështje përveç ish kryebashkiakut, janë marrë, Flamur Peqini, Xhemal Hasko, Blerta Turuku, Ani Simoni, Andri Mushaj, Margarita Gjermeni, Bujar Murati, Ibrahim Lami, Xhemal Hasko dhe Gazment Çela. Ata dyshohet se abuzuan me një tender me vlerë 24 milionë leket për rehabilitimin e një kanali vaditës.