GJKKO ka refuzuar kërkesën e Fredi Belerit, kryebashkiakut të zgjedhur të Himarës, i cili kërkonte që t’i jepej e drejta për tu betuar dhe të merrte zyrtarisht detyrën.
Pas vendimit të GJKKO, kreu i PBDNJ-së, Vangjel Dule, e konsideroi vendimin e Gjykatës si një precedent shumë të rrezikshëm që cënon shtetin e së drejtës.
Dule tha se vendimi i sotëm i GJKKO u paralajmërua nga Kryeministri Edi Rama javën e kaluar, ndërsa akuzoi Kreun e Qeverisë se po përpiqet me çdo kusht që të mos lejojë marrjen e detyrës nga i zgjedhuri, Fredi Beleri.
Dule tha se sot çdo qytetari i Himarës po i refuzohet e drejta për të pasur në krye të Bashkisë, kryebashkiakun e zgjedhur, duke shtuar se Edi Rama po mban në detyrë një kryebashkiak që humbi në zgjedhjet e 14 majit.
Fredi Beleri kërkoi nga GJKKO lejen për tu betuar si kryebashkiak, ndërsa prej 7 muajsh ndodhet në paraburgim, me akuzën e blerjes së votave. Beleri akuzoi Kryeministrin Edi Rama se po e mban në burg edhe pse nuk ka prova dhe fakte kundër tij.
Discussion about this post