Pasi rrëzoi kërkesat e paraqitura nga avokati i ish-Kryeministrit Sali Berisha, Genc Gjokutaj, GJKKO ka rrëzuar edhe kërkesën e paraqitur nga avokatët mbrojtës të Jamarbër Malltezit.
Si Malltezi ashtu edhe Berisha kërkuan shfuqizimin e masave të sigurisë ndaj tyre, por GJKKO i ka lënë në fuqi. Kështu Malltezi, dhëndri i ish-Kryeministrit, do të vijojë të jetë me masën e sigurisë “arrest me burg”, ndërsa ndaj Berishës mbeten në fuqi masat “detyrim paraqitje” dy herë në muaj (e hëna e parë dhe e tretë) para OPGJ-së, dhe ndalimi i daljes jashtë territorit të vendit.
Njoftim per Shtyp
Gjykata, bazuar në nenet 112, 249, pikat 1/1 dhe 7 të Kodit të Procedurës Penale;
VENDOSI:
Rrëzimin e kërkesës së kërkuesit/personit nën hetim Jamarbër Malltezi, me objekt: “Konstatimi i humbjes së fuqisë së masës shtrënguese “arrest në burg” të caktuar sipas vendimit nr. 112, datë 20.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar, ndaj Prof.Dr.Jamarbër Malltezi.”, si të pabazuar në ligj.
Kundër këtij vendimi mund të bëhet ankim brenda 5 (pesë) ditëve në Gjykatën e Posaçme të Apelit për Korrupsionin dhe Krimin e Organizuar.
U shpall në Tiranë, sot, me datë 08.11.2023.
Discussion about this post