Prej më shumë se 1 muaji policisë së Elbasanit i është kërkuar të ngjisë njoftimin për nisjen e gjykimit në mungesë në banesën e të shumëkërkuarit Talo Çela, por ky veprim nuk është kryer.
Për këtë arsye Gjykata e posaçme ka kërkuar të nisë gjykimin e personit “të rrezikshëm” që dyshohet se endet i lirë në vendin tonë.
Në dy shkresa, njëra pas tjetrës Policia e Elbasanit njofton që ende nuk e ka ngjitur fletën e njoftimit, si veprimi i fundit njoftues që do zhbllokonte procesin dhe do niste gjykimin në mungesë të Talo Çelës për dosjen e grabitjes së Rinasit.
Pas shkresës së parë që njoftonte moszbatimin e urdhrit të Gjykatës, Policia e Elbasanit nuk ka dërguar asnjë shkresë tjetër dhe as ka bërë të ditur pse nuk është afishuar njoftimin në portën e banesës.
Nga fundi i dhjetorit, deri në më tani për mosnjoftimin dhe kryerjen e veprimeve procedurë kanë dështuar 7 seanca gjyqësore.
Tashmë pritet vetëm afishimi i njoftimit në banesën e Talo Çelës, dhe ai do të përballet me drejtësinë për një nga akuzat e shumta të ngritura nga ana e institucionit të akuzës, siç është grabitja e Rinasit.
Discussion about this post