Procesi gjyqësor ndaj Etleda Çiftjas, anëtares së Komisionit të Pavarur të Kualifikimit në GJKKO është shtyrë për në datën 12 shtator. Pretenca u shty ditën e sotme për shkak të mungesës së prokurores. Avokati i saj u shpreh para gazetarëve se çështja ndaj Çiftes duhet të ishte gjykuar menjëherë. “Pyetjet nëse duhet të rrijë në detyrë, duhet t’ia bëni organit përkatës. Çështja duhet të shkonte me urgjencë në gjykim. Nuk takon Çiftjas të thotë nëse është në të drejtë apo jo. Dukej siku ata kishin thjeshtë qëllim ta pezullojnë. Prokuroria e di që nuk ka fajësim po presim të bindim gjykatën “, tha ai
Sipas veprimeve hetimore të kryera nga SPAK, ka rezultuar se në Korrik 2017, anëtarja e Komisionit të Pavarur të Kualifikimit, Etleda Çiftja, plotëson deklaratën fillestare të pasurisë. Ndër të tjera, ajo ka deklaruar se është në pronësi të një aseti tokë arë, me sipërfaqe 3440 m2 në Qerret të Kavajës, blerë në 10 Korrik 2006, me vlerë 50 mijë euro. Etleda Çiftja është anëtarja e tretë e institucioneve të vetingut që procedohet penalisht dhe merret e pandehur nga SPAK.
Discussion about this post