Policia e Kosovës ka gjobitur një shofer autobusi i cili ka qenë duke përdorur telefonin teksa ngiste mjetin në autostradën ‘Ibrahim Rugova’. Në njoftimin e shpërndarë për media thuhet se përdorimi i telefonit përbën rrezik të madh për të gjithë.
“Përdorimi i telefonit gjatë vozitjes paraqet rrezik të madh për pjesëmarrësit në trafik, në këtë rast edhe më shqetësuese kur telefoni përdoret nga shoferi i autobusit.
Policia po pranon çdo ditë e çdo natë informacione relevante nga qytetarët dhe mediat në funksion të parandalimit të aksidenteve në trafik. Ndërmarrja e masave policore dhe shqiptimi i gjobave ka për qëllim krijimin e një sigurie më të madhe rrugore për të gjithë ne”, thuhet në njoftimin e PK-së.
