Gjokovic kokulur, Alcaraz në qiellin e shtatë

Carlos Alcaraz arriti një fitore të madhe 3-2 në finalen e Ëimbledon përballë Novak Gjokovic.

20-vjeçari spanjoll mposhti 36-vjeçarin serb në duelin e zjarrtë final, që zgjati 4 orë e 42 minuta.

Ylli i ri i sportit të tenisit, siguroi për herë të parë suksesin e jashtëzakonshëm në Ëimbledon, që pritet të mos jetë i vetmi për të.

Pas fitores së madhe, Alcaraz nuk i kurseu elozhet për Gjokoviq, me këtë të fundit që debutonte si profesionist në tenis pikërisht atëherë kur lindi talenti nga Murcia.

“Një ëndërr e shndërruar realitet.

Sa bukur të fitosh, por njësoj krenar për veten time do ndihesha edhe nëse do të humbisja përballë një kampioni të madh si Gjokovic.

Unë jam rritur duke e parë atë duke fituar. Është e mrekullueshme të përballesh me të, e pabesueshme. Nole më ka frymëzuar pafund, nisa të luaj këtë sport duke të parë ty (i drejtohet rivalit).

Falënderoj ekipin tim për këtë sukses. Është një ditë e veçantë, kam luajtur para mbretërve, jam shumë krenar që mbreti është këtu për të më mbështetur. Shpresoj të vijë më shpesh“, theksoi Alcaraz, i cili konfirmohet si kryesuesi i renditjes së përgjithshme në tenis.

“Nuk është një pasdite e mirë për mua, duhet ta përgëzoj Carlosin për cilësinë në shërbim. Ia dole me goditje fituese për ta mbyllur finalen.

Mendova se mund të kishe probleme, por urime për mënyrën sesi u përshtate. E mahnitshme ajo që bëtë në Queens, pavarësisht mungesës së përvojës, urime!”, tha Gjokovic.