Avokati Genc Gjokutaj, i cili mbron ish-Kryeministrin Sali Berisha, tha se Policia nuk mund të shoqërojë dot forcërisht deputetin Sali Berisha.
Gjokutaj sqaroi në emisionin “Opinion” se arsyeja sepse nuk mund të ndodhë lidhet me faktin se Berisha nuk është pyetur nga GJKKO, por i kërkohet të shkojë në seancë gjyqësore për tu njohur me masat shtrënguese.
“Kemi dy masa shtrënguese në rastin e deputetit Berisha, duke mos pyetur Kuvendin, nuk kanë marrë autorizim prej tij.
Nuk duhej të kishte dy masa shtrënguese, nuk ndodh, dhe aq më tepër që nuk merret leje nga Kuvendi”, tha Gjokutaj.
Ai u shpreh se në akuzat që ngre SPAK ka lajthitje. “Jamarbër Malltezi është dhëndri i ish-Kryeministrit, por nuk ka mbajtur në asnjë rast poste shtetërore, atëherë si e trajtojnë këtë në akuzë sikur ka qenë zyrtar i lartë”, tha Gjokutaj.
Discussion about this post