I ftuar në emisionin “Task Force”, avokati, Genc Gjokutaj, tha se procesi ndaj ish-kryeministrit Sali Berisha dhe baza mbi të cilin po zhvillohet gjyqi është i parregullt pasi gjyqtarja, e cila do të marrë vendim për këtë çështje rezulton e shkarkuar nga kreu i KLD, që ishte në atë kohë Berisha në vitin 1996.
“Nëse flasim për një proces penal, baza e një procesi është procedura dhe as më shumë as me pak procedura është standardi i një procesi dhe tregon rrugën që ndjekin palët e është garancia për një proces të rregullt gjyqësor.
Ne kemi kërkuar përjashtimin e gjyqtares Gjoka dhe kallëzimin ndaj saj për shkeljen kushtetuese që në fillim ku figuron si e shkarkuar nga KLD në 1996 kur ishte Berisha kryetar i atij organi.
Ne dje kemi konstatuar njëanshmëri siç ka filluar që në fillim të këtij procesi dhe kemi ngritur kërkesën për përjashtimin e saj.
Kam parë një habi sot kur gjykata ka respektuar një afat tre ditor pasi është i cenueshëm në Apel dhe ka respektuar këtë afat treditor dhe ka caktuar datën e shpalljes.
Ne duhet të depozitojmë kërkesën e përjashtimit të gjyqtares dhe më pas të vijojë me shpalljen e vendimit.
Ne dje e ngritëm kërkesën por nuk e kemi depozituar me shkrim dhe sot në mëngjes jam paraqitur që të marrim dokumentacionin dhe deri të shtunën kemi afatin e depozitimit të tij.
Të shtunën në orën 12 është caktuar ora për shpalljen e vendimit dhe nuk e dimë nëse është i kondicionuar me gjykimin e kërkesës për përjashtimin e saj.
Nëse aprovohet kërkesa për përjashtim atëherë gjykimi fillon nga e para dhe e gjithë kjo procedurë që u konsumua tani fillon përsëri nga e para”, tha Gjokutaj
Discussion about this post