Avokati Genci Gjokutaj u shpreh se Erion Veliaj është viktimë e Edi Ramës.
Kjo sipas avokatit, për shkak se kryeministri kuptoi që Veliaj nuk do të punonte për votat e tij në zgjedhjen e 11 majit.
“Sorosi, e filloi me investimin për drejtësinë, me rekrutimin e gjyqtarëve dhe prokurorëve, me shkollën e avokatisë, me qëllimin që të godiste opozitën.
Pra, është investuar në drejtësi për të goditur opozitën. Dhe këtu, problemi nuk është thjeshtë dhe vetëm korrupsion material. Këtu problemi ka elementë të tradhtisë kombëtare. Pra, nëse ti bëhesh palë me Sorosin e cilindo që ka atë fytyrë dhe atë sjellje, bëhesh palë për të goditur opozitën e vendit tënd, ti pastaj, këtu ke elementë të tradhtisë kombëtare, të korrupsionit po e po dhe të gjitha këto të vërteta që po dalin sot, ka tre vjet që këta janë tallur, i kanë quajtur barsoleta, fantazira. Dhe sot e kësaj dite, me gjithë këto fakte që po dalin në Amerikë, se këtu nuk pyesin këta, prapë shumica e mediave duan të dezinformojnë. Nuk bëjnë transparencë. Kjo është drejtësia.
Blinken i dha kupën Dumanit, e nderoi 10 ditë para se të ikte. Ndërkohë, ajo kupë sot vlerësohet si fletë-arrest. Blinken nuk mund të hyjë dot në zyrat e shtetit të tij sot. Cila është arsyeja? Këto nuk janë sajime, këto janë fakte. Dhe cila është drejtësia?
Me këtë pjesën e drejtësisë, ky ‘bojaxhiu’ se as piktor nuk është, fillon dhe do të bëjë edhe juristin. Flet për procedurën penale, flet për sistemin e drejtësisë i cili çuditërisht për një javë iu kthye Ramës mbrapsht dhe po godet Ramën. Mbajtja e Ilir Metës sot në burg, tregon mbajtjen nën kontroll dhe është në rol, gjoja që drejtësia po godet mazhorancën.
Po Veliajn, pse e futi në burg ai? Kujton se e mbron realisht Rama atë?
Veliaj është viktimë e Ramës. Rama e ka kuptuar që Veliaj nuk do të punonte për votat e Edi Ramës në zgjedhje. Prandaj e goditi ai, sepse forcën e kishte”, u shpreh ai.
Discussion about this post