I ftuar në edicionin e pasdites në Syri TV me moderatorin Edvin Parruca ishte avokati Genc Gjokutaj i cili komentoj nga ana ligjore çështjen Bejleri.
Gjokutaj është shprehur se në betimin e kryetari të bashkisë së Himarës kemi një rast të paprecedentë që nuk është i parashikuar nga dispozitat ligjore dhe se vjen si pasojë e një arrestimi politik nga qeveria për qëllime të pastra elektorale.
“Çështja Bejleri pritej të kishte këtë vijueshmëri sepse që në arrestim ishte një prapavijë politike, dhe prej 45 ditësh mbahet i arrestuar pikërisht prej mandatit që ka marrë në 14 maj.
Procedura e betimit të kryetarit janë më normalet pas marrjes së mandatit, dhe ajo që ndodhi sot është se ai pasi ka marrë mandatin jemi ndeshur me një kontraditë mes masës së sigurimit arrest me burg me prezumimin të pafajësisë derisa gjykata të shprehet me një vendim të formës së prerë. Kemi një mandat të ligjshëm që është marrë nga Bejleri por për shkak të masës arrest me burg nuk kishte mundësi të bënte betimin dhe si e shikojmë ka një vakum ligjor.
Bejleri konsiderohet i pafajshëm deri tani dhe ndodhemi në këtë situatë që një person i cili nuk ka fituar mandatin me 14 maj do të vijojë drejtimin e bashkisë pasi ai është i penguar për rrethanat që përmenda më sipër, është paradoksal fakti se hetimet nuk po shpejtohen dhe të merret një vendim gjyqësor, mendoj se personat e zgjedhur dhe për atë dispozitë për të cilën akuzohet Bjeleri nuk mund të pengohet pasi është zgjedhur me votat e elektoratit dhe nuk ka asnjë lloj rrzikshmërie dhe në momentin që ai do të deklarohej fajtor nga gjykata dhe të dorëzohet mandati të ndiqen procedurat.
Ndërhyrja në këtë formë ka sjellë këtë situatë dhe në këshillin bashkiak secila palë i jep të drejtë vetes pasi njëra thotë e ke në burg kryetarin e tjetra thotë s ene kemi marrë votat vjen si pasojë e vakumit ligjor për këtë rast të paprecedentë.”
Discussion about this post