Gjuetarët në Shqipëri kërkojnë lejimin e gjuetisë, 7 vjet pas moratoriumit. Federata kombëtare mblodhi në Lushnje kuvendin ku dhe u diskutua rreth probleme që po has ky sport.
Ata kërkojnë të mos shtyhet më moratoriumi, pasi në të kundërt do të ketë protesta nga ana e tyre. Shteti deri më tani nuk ka dhënë asnjë përgjigje, por sipas tyre moratoriumi ka përfunduar në muajin qershor. Gjuetarët bëjnë me dije se duan t’i rikthehen aktivitetit të tyre, por heshtja nga shteti, i detyron të ndjekin rrugë të tjera për të marrë zgjidhje. Mënyra demokratiket sipas tyre, është dhe ajo e protestave të vazhdueshme të cilat, ka gjasa të nisin për shkak se deri më tani nuk ka ndonjë zhvillim. Kjo do të thotë që moratoriumi edhe mund të shtyhet.
Gjithashtu, bëjnë me dije se do të padisin shtetin shqiptar në Gjykatën Ndërkombëtare të Drejtave të Njeriut.
Në vendin tonë, regjistrohen rreth 15 mijë gjuetarë, teksa pohojnë se moratoriumi ka ndikuar në kthimin e shumë kafshëve të egra. Në disa zona, kryesisht pranë lagunave, gjuetia ka vijuar, por në mënyrë të paligjshme.
