Presidenti i Malit të Zi, Milo Gjukanoviç, tha se kryeministri malazez Dritan Abazoviç “do të gjykohet nga votuesit, gjykatat dhe historia” nëse ai ndjek një politikë që është kundër interesave të Malit të Zi.
Sipas mediave, presidenti gjithashtu e konsideroi projektin “Open Balkan” si “shumë kontrovers”, sepse është një skenar alternativ për të ardhmen e Ballkanit Perëndimor jashtë BE-së.
“Ne nuk kemi nevojë për këtë, ne kemi nevojë për anëtarësim në BE. Ata që nuk e shohin rajonin tonë në Evropë, nuk e shohin as demokracinë multietnike në Ballkan. Atyre u pëlqen ideja e ndryshimit të kufijve, homogjenizimi etnik dhe fetar brenda shteteve të zgjeruara. Si zakonisht, gjithçka fillon tradicionalisht nga ajo serbe dhe ajo vazhdon automatikisht me të njëjtat veprime të mëdha shtetërore”, tha Gjukanoviç.
Ai vlerësoi se qëllimi i autorëve të idesë së Ballkanit të Hapur është zhdukja e Bosnjë-Hercegovinës, Malit të Zi, Kosovës dhe Maqedonisë së Veriut dhe shtoi se sigurisht që do të përfundonte me “luftë dhe njëfarë gjenocidi”.
I pyetur për të komentuar deklaratën e kryeministrit të Malit të Zi, Dritan Abazoviç, i cili pas vizitës së tij në Beograd deklaroi se me atë “vizitë historike” arriti të “rivendosë” marrëdhëniet mes dy vendeve, Gjukanoviç pyeti “nëse një vizitë, mund të rivendosë marrëdhëniet e kontaminuara për gati dy shekuj?”.
Gjukanoviç tha se Malit të Zi iu dha një shans për të përparuar në procesin e negociatave me Bashkimin Evropian dhe shtoi se ky shans është gjithashtu një rrugë drejt anëtarësimit në BE.
Discussion about this post