Partia Demokratike e Socialistëve të Malit të Zi ka pranuar të mbështesë qeverinë e pakicës pasi shumica e kërkesave të saj janë përmbushur, bëri me dije presidenti i partisë, Milo Gjukanoviç.
Nga ana tjetër, Dritan Abazoviç tashmë ka kohë që është mandatuar për të krijuar qeverinë e re malazeze, e cila pritet të marrë shumë shpejt besimin e deputetëve brenda partisë.
“DPS nuk është marrë me çështje të pjesëmarrjes partiake dhe personale në qeveri, por me politika prioritare në fushën e sigurisë, ekonomisë, integrimeve evropiane dhe shëndetësisë”.
Ndërkohë, duke komentuar pretendimet e socialdemokratëve se qeveria do të shërbejë vetëm për plotësimin e funksioneve dhe se nuk ka mbështetjen e 49 deputetëve, Gjukanioviç është shprehur se qeveria e re do të shërbejë për stabilizimin e marrëdhënieve në vend.
“Ne pretendojmë se kjo nuk është përgjigjja optimale për nevojat e Malit të Zi. Fatkeqësisht, nuk ka pasur konsensus për qeveri politike, por vetëm për qeveri të pakicës”.
Së fundmi, duke komentuar propozimin e kryeministrit në largim të Zdravko Krivokapiç, i cili kërkoi nga kryeparlamentari, Strahinja Bulajiç që të caktojë seancën për zgjedhjen e qeverisë kalimtare në datën 5 qershor, ai kujtoi se Krivokapiç më herët kishte pohuar se kjo ishte jokushtetuese.
Ndryshe, Abazoviç ka pohuar më parë se ka besimin e më shumë se 45 deputetëve duke përfshirë edhe të partive politike shqiptare dhe të minoriteteve të tjera.
Discussion about this post