Presidenti i Malit të Zi, Millo Gjukanovic, i cili është dhe kryetari i partisë opozitare, Partia Demokratike e Socialistëve, kërkon që të marri revenashin.Kjo kërkesë vjen pas krizave të vazhdueshme qeveritare të vendit, teksa mosmarrëveshjet po shtohen në rradhët e shumicës.
Në këto kushte Gjukanoviç sheh të arsyeshme krijimin e një mazhorance më të fuqishme dhe pro-amerikane.Sipas tij, shumica aktuale në pushtet ka si synim regresin e vendit. Në zgjedhjet parlamentare të 30 gushtit të vitit të kaluar pas tre dekadash, Partia Demokratike e Socialistëve (PDS) dhe partnerët e saj të koalicionit kaluan në opozitë, me një deputet më pak se koalicioni i tanishëm tre anëtarësh i kryesuar nga Fronti Demokratik, Demokratët dhe Lëvizja Qytetare URA, që mbështesin qeverinë e kryeministrit Zdravko Krivokapic.
Por ndërsa shumica qeveritare po përpiqet që deri në fund të kësaj jave të gjejë një zgjidhje për vazhdimin e qeverisjes, në radhët e opozitës po shtohen zërat për krijimin e një qeverie teknike, e cila do të përgatiste zgjedhjet e parakohshme parlamentare. Analistët thonë se tashmë është e qartë se mazhoranca parlamentare nuk mund të arrijë një konsensus, qoftë edhe për gjërat elementare, ndaj prej muajsh flitet për rikompozim te skenës politike ne vend ose mbajtjen e zgjedhjeve të jashtëzakonshme.
Discussion about this post