Futbollisti i Mançester Sitit, Benjamin Mendi është lënë në burg nga Gjykata pas akuzave për abuzim seksual me dhunë kundrejt 3 femrave.
27-vjeçari u arrestua nga policia duke tronditur mbarë opinionin sportiv.
Sipas policisë, gjithçka ka ndodhur në shtëpinë 5 milionë paundshe të futbollistit në Mançester duke e bërë dhe më të rëndë akuzën. Ditën e sotme, Mendi zbarkoi para gjykatës i shoqëruar nga një eskortë policie, i veshur me një bluze me kapuç blu dhe me syze, ku dukej mjaft i qetë para kamerave.
Mançester Siti pezulloi ditën e djeshme futbollistin që fiton plot 95 mijë paund në javë me fanellën e ‘’qytetarëve’’ dhe tani ndodhet në burg me disa akuza të rënda.
