Në një intervistë për mediat, avokati i ish-ministrit të Brendshëm Saimir Tahiti, Maks Haxhia, është shprehur se çështjen do ta dërgojë deri në Gjykatën e Strasburgut. Haxhia tha se ajo që ka ndodhur me Tahirin ka qenë e padrejtë dhe një gafë e gjykatës. Avokati shtoi se pala që bën apelimin nuk ka si të rëndohet.
“Unë e thashë që duke qenë se ish-ministri brendshëm u vu në akuzë dhe u deklarua fajtor dhe çuditërisht që nuk ndodh kurrë se nuk lejohet në asnjë rast kur ka ankimim të të pandehurit gjykata të vendos duke rënduar pozitën e të pandehurit, në mënyrë absolute. Gjykata për sa kohë ne kishim ankim, kështu që këtë s’duhet ta kishte bërë, kjo është gafa më e madhe që ka bërë gjykata. Ne do të shkojmë deri në Strasburg” – tha Haxhia.
Kujtojmë se Tahiri u dënua nga GJKKO me 3 vite e 4 muaj burg. Gjykata e Apelit la në fuqi vendimin e vitit 2019, dhe e shpalli fajtor Tahirin për shërdorim detyre. Tahiri sipas gjykatës ka lejuar dhe ka ndihmuar përmes njohjeve grupin Habilaj, duke i lehtësuar atyre trafikun e drogës drejt Italisë në këmbim të përfitimeve monetare.
Discussion about this post