Trupa gjykuese në Vlorë ka vendosur masën e sigurisë “arrest me burg” për Fredi Belerin, kandidatin e koalicionit “Bashkë fitojmë” për bashkinë e Himarës dhe dosja e tij kalon në SPAK.
Kandidati u ndalua mbrëmjen e së enjtes nën akuzën e korrupsionit aktiv në zgjedhje kryer në bashkëpunim.
Beleri u dërgua në Gjykatën e Shkallës të Parë në Vlorë dhe çështja e tij gjykohet nga gjyqtarja Dorina Stroka. Prokuroria kishte kërkuar masën e sigurisë “arrest me burg”.
Sot, nuk pritet të merret vendim për personin tjetër të arrestuar bashkë me Belerin, Pano Kokoveshin, pasi ai ka shfaqur probleme shëndetësore dhe është transferuar në QSUT. Kokoveshi dyshohet se vuan nga diabeti dhe ka kryer edhe një bypass në zemër.
Discussion about this post