Ylli i Real Madrid, francezi Karim Benzema do të njihet me vendimin e gjykatës për ‘Çështjen Valbuena’, pra për akuzën e shantazhimit të shokut të skuadrës, Mathieus Valbuena, më 24 nëntor.
Lojtari mund të dënohet me 10 muaj burg dhe një gjobë prej 75.000 euro, nëse do të shpallet fajtor.
Ndërsa avokatët e lojtarit raportohet të kenë kërkuar pafajësinë e tij, teksa kanë sulmuar edhe Valbuenën.
“Valbuena është viktimë e akteve të tij, duke qenë se ka qenë vetë ai që ka filmuar kasetën seksuale me të cilën më pas tentuan ta shantazhonin. Ai nuk është filmuar pa e ditur, ai filmon veten në modalitetin selfie. Vajza e re nuk e di se po filmohet, filmimi i dikujt pa e ditur gjatë një akti seksual është penalisht i dënueshëm”,- u shprehën përfaqësuesit e Benzema.
Teksa në datën që është caktuar seanca gjyqësore, Reali do të ndeshet me Sheriff Tiraspolin për ndeshjen e raundit të pestë të fazës së grupeve në Champions League./K.T/Gijotina.com
