Gjykata Administrative e Apelit ka njoftuar ditën e sotme se ka marrë në shqyrtim ankimin e Partisë Demokratike, për vendimin e mos regjistrimin e Kuvendit të 18 dhjetorit dhe 17 korrikut. Ndërkohë është zgjedhur edhe trupa gjyqësore që do të regjistrojë këtë çështje. Trupa gjykuese, do të përbëhet nga Genti Shala, Edlira Petri dhe Elona Toro. Gjithashtu bëhet me dije se shorti për caktimin e relatorit të çështjes, do të hidhet po sot, në datën 12.04.2022, ora 14:30.
“Duke marrë parasysh interesimin e shtuar të mediave, shtypit të shkruar dhe atij online, si edhe në përgjithësi opinionit publik, informojmë sa vijon: Në Gjykatën e Rrethit Gjyqësor Tiranë u shqyrtua kërkesa me Nr. 214 Akti, datë 13.12.2021, me kërkuese: Partia Demokratike e Shqipërisë, përfaqësuar nga Sekretari i Përgjithshëm z. Gazment Bardhi; me objekt: Pasqyrimin e ndryshimeve të Statutit të Partisë Demokratike të Shqipërisë dhe të organeve të reja të zgjedhura në Kuvendin Kombëtar të datës 17.7.2021, e gjykuar nga gjyqtare znj. Blerina Muça, për të cilën kjo gjykatë ka dhënë vendimin nr. 2, datë 18.03.2022 dhe ka vendosur: “1. Pranimin e kërkesës se palës kërkuese Partia Domokratike e Shqipërisë. 2. Depozitimin e statutit dhe vendimeve te dala nga Kuvendi Kombëtar i Partisë֝ Demokartike te Shqipërisë e datës 17.07.2021. 3. Kundër këtij vendimi mund te behet ankim sipas ligjit” – thuhet në vendimin e Gjykatës.
Discussion about this post