Procesi i Vettingut ka shkaktuar ka nxjerrë pothuajse jashtë funksioni Gjykatën e Apelit Shkodër. Bëhet me dije se, në këtë gjykatë nga dhjetë gjyqtarë që duhet të ishin në funksion, vetëm 5 prej tyre ndodhen aktualisht në detyrë duke krijuar kështu probleme dhe zvarritje në vendimmarrjen e çështjeve gjyqësore.
Kryetari kësaj gjykate, Fuat Vjerdha tha gjatë një interviste televizive se aktualisht po gjykohen çështje civile të vitit 2018, duke krijuar kështu një tejzgjatje më shumë se 3-vjeçare të këtyre proceseve.
Por kjo problematikë nuk ndodh vetëm në gjykatën e Apelit, pasi nga vettingu janë shkarkuar gjyqtarë edhe në gjykatën e shkallës së parë. I njëjti problem u raportua edhe në Gjykatën e Korçës, si dhe në atë të Gjirokastrës.
