Avokati Ylli Manjani, i cili ka ankimuar në Gjykatën Kushtetuese përdorimin e përgjimeve nga aplikacionet Sky ECC dhe Encrochat si prova në çështjen gjyqësore ndaj klientit të tij, biznesmenit Pëllumb Gjoka, shkruan se Gjykata e Berlinit në Gjermani ka vendosur se të dhënat e marra nga Sky e Encrochat nuk vlejnë në gjykatë.
Manjani shton se të dhënat policore nuk janë të dhëna gjyqësore.
“Si nuk del dikush në Gjermani ti thotë gjyqtarit “ke marrë lekë”, ose “po dëmton drejtësinë”!!! Le pastaj ti thotë “ka thënë ambasada amerikane”!!!! Gjykata e Berlinit ka thënë që me të dhënat e përftuara nga Sky dhe enchrochat, nuk shkohet në gjykatë sepse me to nuk provon asgjë! Vendimin e plotë, do ta marrim së shpejti. Por njoftimi është i qartë. Nuk janë prova gjyqësore të dhënat policore. Punkt!
E gjithë jurispridenca në Europë po reagon në përputhje me rekomandimet e Gjykatës Europiane të Drejtësisë dhe mbi ato të Strasburg. Meqë SpAK na kërkoi vendime nga Europa, jo për gjë..
Duan më vendime?! Nejse, presim gjykatën tonë! Do shkojmë me Europën apo do ecim në rrugë të pashkelura, si dikur…?! Kjo është çështja.” – shkruan Manjani në Facebook.
Edhe Italia nuk i ka pranuar si provë këto përgjime, sipas Avokatit Manjani. “Në lidhje me entuziazmin, gati frenetik (në fakt duket si lajm i sponsorizuar) që Italia pranon përgjimet e SKY ECC si provë, për shkak të njohurive që kemi krijuar për këtë çështje duhet të kuptojmë se:
1. Vendimi i një kolegji të Gjykatës së Kasacionit në Itali, thjesht ka zbardhur një vendim të marrë më parë. Pra, nuk është vendim i marrë këto ditë. Është ZBARDHJE E ARYETUAR e vendimit të shpallur më parë.
2. Vendimi për çështjen në fjalë është marrë përpara se të dilte interpretimi i Gjykatës së Strasburg e cila, pas Gjykatës së Luxemburgut i vuri kapak debatit janë dokumenta apo të dhëna të marra nga përgjimet, duke sqaruar se ato quhen PËRGJIME.
Pra Gjykata e Kasacionit të Itali për këtë vendim nuk ka patur mundësinë të reflektonte vendimin e GJEDNJ. Thjesht ka vijuar me gjuhën e argumenteve të momentit kur e ka marrë dhe shpallur vendimin.
Në fakt ku kolegj ka hyrë në debat të brendshëm edhe me vendime të tjera të vetë Gjykatës së Kasacionit në Itali, ku më parë ishte pranuar që kemi të bëjmë me përgjime dhe jo me dokumenta. Por kjo është çështje e brendshme e rrymave në gjykatën Italiane….
4. Duhet të kuptojmë se tashmë ka dy periudha që përcaktojnë praktikën e përdorimit gjyqsor (sepse përdorimi policor nuk ka përse të lidhet me këtë) të të dhënave të marra nga përgjimet e SKY ECC;
Periudha para vendimit të GJED, ku gjykatat në Europë lejuan përdorimin e tyre megjithse me sforco dhe, Periudha post GJED, ky po vijon rrefuzimi masiv i përdorimit gjyqsor të përgjimeve masive.
E përsëris flasim për përdorimin Gjyqsor si provë, sepse si të dhëna për hetime ato përdoren pa marrë leje nga gjykata.
Ndaj nuk shoh ndonjë arsye për entuziazëm nga sponsorët e lajmit, gjithsesi të vonuar, nga Italia…
Nuk po futem këtu fare në arsyetimin tjetër të përdorimit ose jo si prova të vetme gjyqsore. Sepse aty ne jemi totalisht defiçitar krahasuar me praktikën Italiane”.
Përgjimet e marra nga aplikacionet Sky e Encrochat kanë ccuar në arrestimin e dhjetëra personave në Shqipëri në operacionet e drejtuara nga SPAK.
Gjykata Kushtetuese pritet të marrë nën shqyrtim një prej çështjeve më të ndjeshme dhe problematike të viteve të fundit në Shqipëri, nëse përgjimet e ardhura nga Sky ECC dhe EncroChat përbëjnë një provë për të dënuar personat që i përdorin ato ose jo.
Kjo çështje është duke u gjykuar ose ka marrë vendim në pjesën më të madhe të vendeve europiane dhe është çështje botërore. Vetëm në njërën prej këtyre dy platformave, 20 mijë përdorues janë nga Shqipëria dhe gjuha shqipe ishte e dyta më e përdorura pas anglishtes.
gijotina.com/
Discussion about this post