Ndërkohë që sot është kryer seanca e parë për Nuredin Dumanin dhe gjykata dha vendimin që ai të dënohet me burg, ka folur për mediat avokati i tij. Ky i fundit tha se gjatë dëshmisë, Dumani kishte rrëfyes se nuk kishte planifikuar asnjëherë një vrasje, por lëvizte me armë për shkak të problemeve që kishte.
Gjithashtu, kërcënimet e shumta që kishte marrë tregonin se rreziku i kanosej çdo ditë. “Unë ja kërkova prokurorit me insistim të më tregonte se kush kishte qenë shënjestra e atentatit dhe më tha se kjo përbënte sekret hetimor por tha se kishte dijeni se kush mund të ishte shënjestra e atentatit. Sa kemi mundur të kontaktoj me klientin më tha se nuk kishte planifikuar të kryente vrasje por tha se ishte i detyruar të lëvizte i armatosur për shkak të problemeve të tij që tashmë dihen”, u shpreh ai. Kujtojmë se seanca gjyqësor për Dumanin u krye nga ambientet e spitalit, ku ai po merr trajtimin për shkak se plagët e marra nuk e lejojnë të ngrihet.
Discussion about this post