Gjykata e Fierit ka caktuar masën e sigurisë “arrest në shtëpi”, ndaj mjekut imazherist në Fier, Gëzim Taullaj, i cili u arrestua pak ditë më parë për korrupsion.
Mësohet se Taullaj nuk ka marrë pjesë në seancë, por është përfaqësuar nga avokatët.
Mjeku Gëzim Taullaj, 66 vjeç u kap në flagrancë duke marrë një shumë parash një personi që do t’i kryente eko abdominale, ndërsa në banesë i janë gjetur rreth 60 mijë euro të valutave të ndryshme.
“Ky shtetas u kap në flagrancë duke marrë një shumë parash një pacienti që do të kryente ekon abdominale. Gjithashtu, ky shtetas, shpërdoronte detyrën pasi gjatë orarit zyrtar të punës, vizitonte pacientë në 2 klinika private në Fier. Në vijim të veprimeve procedurale për këtë rast u sekuestrua si provë materiale, shuma e lekëve që 66-vjeçari i mori qytetarit, në kundërshtim me ligjin si edhe shuma prej 1.857.000 lekë të reja, 39.155 euro, 2.370 paund dhe 75 dollar që iu gjetën gjatë kontrollit të banesës.” – thuhej në njoftimin e policisë.
Mbi Gëzim Taullajn rëndojnë akuzat për veprat penale “Shpërdorimi i detyrës” dhe ”Korrupsioni pasiv i personave që ushtrojnë funksione publike”.
Discussion about this post