Vendimi për ish gjeneralin serb Ratko Mlladic nga gjykata e Hagës do të jepet në 22 nëntor. Mlladic u arrestua në majtë 2011-ës pas disa vitesh në arrati nën akuzën e krimeve të luftës.
Gjykata e Hagës do të japë vendimin për ish gjeneralin serb Ratko Mlladic në 22 nëntor. Mlladic u arrestua në maj të vitit 2011 pas disa vitesh në arrati, ndërsa procesi gjyqësor ndaj tij nisi një vit më pas. Ai akuzohet për genocid në Srebrenicë e persekutim të muslimanëve dhe kroatëve, shfarosje, vrasje, dëbime me forcë të popullsisë, sulme me artileri dhe snajperë por dhe për pengmarrje në periudhën 1992 – 1995.
Këto krime që cilësohen si krime kundër njerëzimit dhe shkelje e ligjeve ndërkombëtare janë kryer në 15 zona të ndryshme të Bosnje e Hercegovinës.
Muajin e fundit disa media raportuan se shëndeti i Mlladic, i cili pësoi një atak në zemër dhe e ka pasur të pamundur të ndjekë seancat e tij gjyqësore për shkak të gjendjes shëndetësore, është përkeqësuar dhe më shumë. Për këtë arsye avokatët e Mlladic dhe familja e tij i kërkuan qeverisë serbe të dërgojë monitorues në gjykatë si dhe të mundësonin trajtimin e tij mjekësor në Serbi.
