Gjykata e Elbasanit ka lënë në burg dy rusët dhe ukrainasin, që tentuan të futen në uzinën e përpunimit të armëve në Gramsh. Në një deklaratë për mediat, avokati i caktuar për shtetasin rus, Mikhail Zorin, Demir Çiftja deklaroi se klienti i tij nuk i ka pranuar akuzat.
Gjithashtu avokati u shpreh se ka kërkuar materiale nga prokuroria lidhur me akuzat për spiunazh, por nuk i janë vënë në dispozicion.
“Do ti mbetet hetimit kjo situatë në të ardhmen. Nuk jam në dijeni. Ai sqarimet i ka dhënë. Sqarimet e tij janë sekret hetimor. Unë kam kërkuar që i mbrojturi prej meje ka konfliktuar me dy ushtarët se është ndjerë i dhunuar. Ka përdoru një spraj me spec djegës. Kjo ka qenë ngjarja. Dhe për këtë e kanë akuzuar për kundërshtim të punonjësve. Ka edhe një akuzë tjetër për spiunazh. Nuk e bëri të qartë prokuroria. Ne kërkuam të njiheshim me material. Por prokuroria i bie shkurt dhe thotë kemi prova. Klienti im nuk i pranoi akuzat. Kërkoi një masë sigurie më të butë”, tha ai.
Discussion about this post