Gjykata e Lartë ka rrëzuar kërkesën e Prokurorisë së Tiranës për ekstradimin e drejt Koresë së Jugut të shtetasit Stephan Morgenstern, i shpallur në kërkim ndërkombëtar mbi bazën e urdhër arrestit ndërkombëtar të datës 18.09.2023.
Ai kërkohet në vendin e tij për kryerjen e veprës penale të “Mashtrimit të rëndë” dhe shkeljes së ligjit “Për rregulloren për drejtimin e biznesit të mbledhjes së fondeve pa leje”, parashikuar nga legjislacioni penal i Koresë së Jugut, ku rrezikon dënimin përjetë.
Në Shqipëri, shtetasi gjerman mbahej në masën arrest në burg teksa Gjykata e Lartë vendosi ta revokojë këtë masë. Morgenstern u arrestua gusht të 2013 në Rinas, teksa priste bashkëshorten e tij që vinte nga Dubai.
61-vjeçarit dhe bashkëpunëtorëve të tij u janë sekuestruar asete dhe llogari bankare të vlerësuara në 123 milionë euro, për të cilat ka dyshime se nuk është as një e treta e të ardhurave të tyre përmes mashtrimeve.
Ndërkohë që mbetet ende në kërkim partneri i tij Roman Ziemian. Në dhjetor 2022, Stephan Morgenstem u arrestua në Greqi teksa po tentonte të udhëtonte drejt Dubait, por gjykata greke caktoi ndaj tij ‘arrest në shtëpi’.
Mbetet e paqartë se si ai arriti të futej në territorin shqiptar pa lënë asnjë gjurmë, ku në një kompleks modern në periferi të Tiranës, kishte blerë edhe një banesë.
gijotina.com/
Discussion about this post