Gjykata e Lartë njofton se mbledhja e posaçme e trupës gjyqësore për zgjedhjen e anëtarit të ri të Gjykatës Kushtetuese do të zhvillohet më 30 Shtator, në orën 09:00, në ambientet e institucionit.
Në garë për këtë post janë tre kandidatë: Asim Vokshi, Naureda Llagami dhe Florian Ballhysa.
Procesi i përzgjedhjes do të kryhet me votim nga gjyqtarët e Gjykatës së Lartë, dhe fitues do të shpallet kandidati që merr më shumë vota.
Anëtari i ri do të pasojë në këtë detyrë gjyqtaren Holta Zaçaj, mandati i së cilës ka përfunduar në muajin Mars.
Sipas njoftimit të Gjykatës së Lartë, procesi ka nisur pas depozitimit më 23 Shtator 2025 nga Këshilli i Emërimeve në Drejtësi të raportit dhe listës së renditjes së kandidatëve për vendin vakant. Ky vend ishte shpallur nga Gjykata e Lartë më 11 dhjetor 2024.
“Gjykata e Lartë njofton se, pas depozitimit në datën 23.09.2025 nga Këshilli i Emërimeve në Drejtësi (KED) të raportit dhe listës së renditjes së kandidatëve për vendin vakant të gjyqtarit të Gjykatës Kushtetuese, vend i shpallur nga Gjykata e Lartë në datë 11.12.2024, ka ndërmarrë hapin e radhës në këtë proces institucional.
Në mbështetje të dispozitave ligjore dhe rregullores përkatëse, Kryetari i Gjykatës së Lartë z. Sokol Sadushi ka vendosur thirrjen e Mbledhjes së Posaçme të gjyqtarëve të Gjykatës së Lartë.
Mbledhja do të zhvillohet më 30 shtator 2025, ora 09:00, pranë ambientëve të Gjykatës së Lartë, me qëllim zgjedhjen e anëtarit të ri të Gjykatës Kushtetuese.”- thuhet në njoftim.
Kandidatët e kualifikuar
Vendi vakant në Gjykatën Kushtetuese u shpall nga Gjykata e Lartë më 11 dhjetor 2024, pas përfundimit të mandatit të kryetares së Gjykatës Kushtetuese, Holta Zaçaj.
Nga 13 kandidatët që shprehën interes për këtë vend, KED ka miratuar 6 kandidaturat e lejuara për t’u përfshirë në fazën e vlerësimit të mëtejshëm.
1-Asim Vokshi
2-Florian Ballhysa
3-Naureda Llagami
4-Alban Toro
5-Genta Tafa
Discussion about this post