Gjykata e Lartë la në fuqi masën e arrestit në shtëpi për Sali Berishën.
“Kolegji Penal pasi shqyrtoi në tërësi dhe në themel të gjitha shkaqet e parashtruara në rekursin e paraqitur nga Berisha, vendosi këtë të martë lënien në fuqi të vendimit të 25 janarit 2024, të Gjykatës së Apelit të Posaçëm për Korrupsionin dhe Krimin e Organizuar”, njoftoi Gjykata e Lartë.
Ish-kryeministri Berisha dhe dhëndri i tij Jamarbër Malltezi janë me masë sigurie arrest në shtëpi për akuzat korrupsion dhe pastrim parash në lidhje me hetimet për privatizimin e ish-kompleksit Partizanit.
Akuza që i cilësojnë të paqena dhe të fabrikuara nga kryeministri Edi Rama, që sipas tyre, po përdor Prokurorinë e Posaçme dhe gjykatën për ti goditur politikisht.
Më herët, gjykatat kanë refuzuar edhe kërkesën e Berishës për të marrë pjesë në seancat plenare dhe atë të Malltezit për heqjen e sekuestros preventive ndaj 25 pasurive të sekuestrua në kuadër të hetimit.
Discussion about this post