Ish-anëtari i Kolegjit të Posaçëm të Apelimit Luan Daci, më herët kërkoi rekurs për dënimin me burg dhe shkarkimin nga detyra e gjyqtarit pasi akuzohej për “falsifikim dokumentesh”. Sot gjykata e Lartë e ka rrëzuar këtë kërkesë. Daci u shkarkua nga detyra të gjyqtarit Daci më 9 dhjetor 2021, duke pranuar kështu kërkesën e Komisionit Disiplinor. Magjistrati ishte i dënuar me 6 muaj burg, dënim ky që u konvertua me shërbim prove, pasi ish-anëtari i KPA-së, akuzohej për veprën penale të “Falsifikimit të dokumenteve”.
Hetimet
Hetimi ndaj Dacit nisi pas denoncimit në Prokurorinë e Posaçme, SPAK nga Besnik Cani. Ishin pikërisht këto hetime ato që bindën trupën e Gjykatës së Posaçme kundër Krimit e Korrupsionit dhe Apelin e GJKKO të dënojë Dacin. Sipas SPAK dhe GJKKO, gjyqtari Luan Daci ka falsifikuar dokumentacionin në momentin që aplikoi për t’u bërë pjesë e trupës së KPA-së. Në dokumentacionin e paraqitur në atë kohë nga gjyqtari i KPA ai fshehu faktin se kur ishte gjyqtar në gjykatën e Tiranës në 1997, KLD-ja me propozim të ministrit të Drejtësisë e shkarkoi nga detyra për shkelje të ligjit dhe paaftësi.
Discussion about this post