Gjykata e Lartë ka rihapur procedurat e aplikimit për anëtarët e Gjykatës Kushtetuese, pasi kryetari i saj ka rishpallur thirrjen për plotësimin e vendit vakant në këtë gjykatë.
Vendi vakant është liruar pas përfundimit të mandatit të Gani Dizdarit, ndërsa afati i pranimit të kërkesave është 30 ditë. Për këtë pozicion mungojnë kandidaturat, pasi shumë pak kandidatë arrijnë të plotësojnë kriteret kushtetuese.
Një prej vendeve vakant është ai i gjyqtares Vitore Tushës, të cilës i mbaroi mandati 9-vjeçar. Po ashtu vakant është edhe vendi i Fatmir Hoxhës, i cili u shkarkua në vitin 2018, si dhe i Gani Dizdarit, që u shkarkua në vitin 2019.
Pikërisht për vendin e mbetur bosh nga Dizdari Gjykata e Lartë i ka hapur sot procedurat, duke bërë thirrje për të aplikuar nga të interesuarit. Aktualisht Gjykata e Lartë ka 7 anëtarë, të ndarë në 3 Kolegje. Konkretisht në Kolegji Penal janë gjyqtarët Ilir Panda, Sandër Simoni, Albana Boksi, Klodian Kurushi, Sokol Binaj. Në Kolegjin Civil të Gjykatës së Lartë është caktuar vetëm Ervin Pupe dhe në Kolegjin Administrativ vetëm Sokol Sadushi.
Discussion about this post