Gjykata e Lartë vendos për ’21 Janarin’: Të hetohet nga SPAK-u

Gjykata e Lartë ka marrë vendimin në lidhje me rekursin e bërë nga Rajmonda Nika, e veja e Aleks Nikës i cili mbeti i vrarë më 21 janar në Bulevardin “Dëshmorët e Kombit”.

Gjykata e Lartë pasi dëgjoi palët vendosi ndryshimin e vendimit të Apelit dhe zgjidhjen përfundimisht të çështjes, duke urdhëruar SPAK të regjistrojë procedimin penal.

Familjarët e Aleks Nikës, i cili humbi jetën më 21 janar 2021, kishin kërkuar që çështja e 21-janarit të hetohej nga SPAK.

Gjë të cilën Prokuroria e Posaçme nuk e pranoi duke e adresuar në Prokurorinë  e Tiranës.

Familjarët bënë rekurs në Gjykatën  e Lartë, gjë të cilën GJL e shqyrtoi sot dhe vendosi pranimin e kërkesës së tyre dhe caktoi Prokurorinë e Posaçme për të hetuar këtë çështje.

Seanca cila nisi në orën 134:00 u përfshi nga debat mes gjyqtarit Sokol Binaj dhe prokurorit të Posaçëm, Alfred Shehu.

Ilir Panda: Prokuror kam dy pyetje. Siç duket nga aktet ju keni kryer dy veprime. Cilat janë ato?

Shehu: Kemi kërkur informacion nga Prokuroria e Tiranës.

Ilir Panda: Nën prizmin e vendimit të Gjykatës së Strasburgut, ju e shikoni ndryshe aktin e Prokurorisë së Posaçme.

Shehu: Organet duhet të bëjnë hetim të plotë. Ky procedim po kryhet nga prokuroria.

Sokol Binaj: Edhe për drejtuesit, edhe për zinxhirin drejtues kush do ta hetojë, kujt i takon.

Alfred Shehu: Po heton Tirana.

Sokol Binaj me zë të lartë: Flitet për zinxhirin drejtues, a keni përgjegjësi?!

Shehu; S’kanë dalë subjekte të posaçme.
Sokol Binaj: S’po flas për subjekte të zakonshme, zinxhirin?

Shehu: Në rast se ata gjejnë shpallin mos kompetencën dhe e sjellin.

Sokol Binaj: KPP parashikon dy mënyra disponimi të prokurorit. Ke detyrimin para një kallzimi t’i përgjgjesh me të gjitha rekuizitat. Nuk ka rrëzohet. Nuk pranohet jep argumentat. Kjo hap rrugën që palët të shkojnë ata ku duhet të shkojnë në lidhje me kërkesat e tyre.

Shehu: Në kodin e procedurës penale nuk parashikohet.

Binaj: Jepi përgjigje. Kallëzimi vjen dhe regjistrohet.

Shehu: Ky disponim i Prokurorisë është vlerësuar edhe nga gjykata.

Sokol Binaj: Është kjo shkresë.

Shehu: Ky kallzim nuk është regjistruar. Ai kallëzim është vlerësuar nga një prokurori tjetër.

Binaj: S’ka asnjë pengesë që për një çështje penale të hetojnë disa prokurori, një, dy, tre, katër, pesë. Por mbi bazën e regjistrimit penal dhe jo me shkresa, dërgo shkresa sa andej-këtej. Jo pa patur asnjë mjet procedurial në dorë.

Prokurori i Spak, Alfred Shehu: I qëndrojmë argumentave tona. Shkresa jonë është një shërbesë administrative, nuk ka ankim ndaj shkresave. Gjithashtu këto vendim i Shkallës së Parë dhe Apelit na japin të drejtë, për këto arsye kërkojmë mos pranimin e rekursit.