Gjykata e Posaçme ka dënuar me 12 vite burg në mungesë ish-shefin e Narkotikëve të Policisë Vlorë, Gjergji Kohilën.
Me gjykim të shkurtuar do t’i takojë të bëjë 8 vite burg, por Kohila është në arrati.
Gjergji Kohila, shefi i sektorit të luftës kundër krimit të organizuar, në drejtorinë e Policisë së Qarkut Vlorë.
Kohila, bashkë me dy zyrtarët, Jaled Çela ish-drejtori i Policisë së Vlorës dhe ish-drejtorin e Kufirit në Vlorë, Sokol Bode të cilët kanë qenë drejtuesit kryesorë të Policisë Vlorë, kanë qenë në drejtim të këtij komisariati kur ministër i Brendshëm ishte Saimir Tahiri. Prokuroria ka lëshuar urdhër-arrest për ta, pasi dyshohen se kanë bashkëpunuar me Habilajt në trafikun e drogës. Të tre ish-drejtuesit e Policisë së Vlorës kanë drejtuar në drejtorinë e Qarkut Vlorë gjatë viteve 2015-2016.
12 vite ishte dhe pretenca e SPAK për ish-zyrtarin e policisë, i cili ka qenë bashkë i pandehur me ish-ministrin e Brendshëm Saimir Tahiri. Ish-zyrtari i policisë akuzohej për trafik narkotikësh në kuadër të grupit të strukturuar kriminal.
Discussion about this post