Gjykata e Posaçme ka firmosur të martën një tjetër urdhër kontrolli ndaj kryebashkiakut të Tiranës, Erion Veliaj. Me kërkesë të prokurorëve Altin Dumani e Ols Dado, Gjykata ka lejuar kontrollin e një apartamenti pranë qendrës “Harabel” në zonën e ish-Bllokut, ambient që dyshohet se përdorej nga familjarët e kryebashkiakut.
Vendimi i gjykatës është ekzekutuar nga agjentët e BKH, të cilët kanë administruar në këtë apartament dokumente me vlerë për hetimin.
Sipas informacioneve, agjentët e BKH-së kanë kryer kontrollin me qëllim zbulimin, administrimin dhe sekuestrimin e provave që kanë lidhje me veprën penale duke përfshirë prova dokumentare dhe elektronike, pajisje elektronike, celularë, lap top apo kompjuter personal.
Kujtojmë se, mëngjesin e 6 dhjetorit me urdhër të Gjykatës së Posaçme kundër Korrupsionit dhe Krimit të Organizuar, oficerët e policisë gjyqësore ushtruan kontrolle në zyrat e kompanisë së bashkëshortes së kryebashkiakut të Tiranës Erion Veliaj, ndërsa më parë i kishin sekuestruar dhe telefonin celular.Kontrolle u ushtruan dhe në banesën e vëllait të Veliajt. Vetë Prokuroria e Posaçme nuk dha detaje, por u mjaftua të shpjegojë se ka kryer disa “veprime hetimore në kuadër të një procedimi penal”.
Ndaj kryebashkiakut Erion Veliajt ka nisur një hetim pasuror, ndërsa po shihet dhe roli i tij në rastin e inceneratorit të Tiranës si dhe në çështjen e kompanisë “5D”, që zotërohej nga ish-drejtorë të Bashkisë.
Lexo edhe:
- Kontrollet e reja, denoncimi: Ja çfarë u gjet në banesën e fshehtë të Veliajt
- Hetimet ndaj Veliajt/ Zbardhen vilat e vëllait të kryebashkiakut, SPAK: Si funksionon skema e korrupsionit
Discussion about this post