Gjykata Europiane e Strasburgut ka pranuar padinë e Mustafa Laçit për dëmshpërblim në vlerën e 7500 eurove, pasi Laçi ka humbur gruan në tragjedinë e Gërdecit, Nafije Laçi. Përveç shifrës së 7500 eurove, shteti shqiptar do të duhet të paguajë edhe 3000 euro të tjera si shpenzime gjatë procedurave. Në total shifra që shteti shqiptar duhet t’i paguajë Mustafa Laçit është 10.500 euro.
Sipas gjykatës së Strasburgut, gjykatat në Shqipëri dështuan të merrnin vendime lidhur me aplikimin nga ky shtetas për dëmshpërblim. Shteti shqiptar tashmë duhet të paguajë si dëmshpërblim ndaj Mustafa Laçit, vlerën prej 7500 eurosh.
Ndër të tjera në vendimin e dhënë nga gjykata e Strasburgut vihet re edhe një fakt, që Mustafa Laçit nuk i është pranuar padia nga gjykatat shqiptare pasi nuk kishte pasur para për të paguar pullën e cila arrinte deri në njëqind e njëzet herë më shumë se paga e tij mujore.
Kërkesa e tij për përjashtim nga pagesa e pullës nuk ishte pranuar dhe si rrjedhojë çështja e tij nuk ishte trajtuar.
