Biznesmeni i njohur italia, Francesko Beccetti, i cili u dënua me 17 vite burg nga Gjykata e Shkallës së Parë, ka ankimuar vendimin duke kërkuar pafajësi. Çështja pritet të regjistrohet në Gjykatën e Apelit, ku ndodhen edhe dy dosje të tjera të Becchetit, ndërsa ankim kanë dorëzuar edhe të pandehurit e tjerë.
Kujtojmë se Gjykata e Tiranës ka dënuar me 17 vite burg biznesmenin italian, Francesco Becchetti. Becchetti u shpall fajtor për falsifikim dokumentesh, për ‘pastrim parash’, për ‘krijim të skemave mashtruese’, dhe “vjedhje duke shpërdoruar detyrën”. Biznesmeni italian vazhdon të jetë në arrati dhe për të ka një mandat arresti ndërkombëtar.
Ai gjithashtu ka fituar në Gjykatën e Strasburgut gjyqin me qeverisë shqiptare. Gjykata Europiane e të Drejtave të Njeriut në Strasburg ka dënuar Shqipërinë 110 milionë euro për konfliktin me biznesmenin italian. Fatura, që përbën një goditje fatale për financat e shtetit është gjoba më e madhe që ka marrë ndonjëherë Shqipëria nga një gjykatë ndërkombëtare. Këtë faturë, qytetarët shqiptarë do ta paguajnë për shkak të deklaratave të kryeministrit Edi Rama në media dhe rrjetet sociale në qershor të vitit 2015.
Discussion about this post