Gjykata e Tiranës ka lënë në burg Dan Hutrën, i cili vrau tre gra dhe plagosi tre të tjera në Tiranë. Hutra nuk ka shfaqur asnjë shenjë pendese para trupës gjykuese, por ka thënë se kishte planifikuar gjithçka.
I prerë dhe gjakftohtë, autori i masakrave në Tiranë, Dan Hutra ka folur sërish nga gjykata ku ka pohuar se nuk pendohet për krimet e tij.
“Nuk jam i penduar, i kam bërë më konshiencë krimet. Jam dënuar pa faj për dhunën në familje, nuk e kisha prekur.”, tha Hutra.
Hutra, në momentet e para që është paraqitur në ambientet e gjykatës, ka qenë i qetë dhe duket që mban të njëjtën bluzë, ku kishte edhe njolla gjaku. Ai shfaqet i qetë përballë gjykatës, i rrethuar nga forcat e policisë.
Discussion about this post