Gjykata e Vlorës, ka caktuar masën “arrest shtëpie” për Edison Begajn. Mësohet se, për shkak të gjendjes së tij shëndetësore, Begaj është njohur me masën ndaj tij në ambientet e spitalit të Vlorës.
Ndërkohë, gjatë këtyre ditëve ka pasur reagime të ndryshme në lidhje me arrestimin e tij, për faktin se për këtë ngjarje asnjë person tjetër nuk është vënë në pranga.
Kujtojmë se Begaj u arrestua me shumë bujë pas një operacioni blic në Lungomarë të Vlorës, nga RENEA, FNSH dhe Policia e Shtetit.
Gjatë arrestimit 41-vjeçarit iu gjet një armë zjarri pistoletë, me një krehër me 5 fishekë pa leje, ndërsa po gjatë këtij operacioni u shoqëruan edhe 10 persona të tjerë.
Ndërsa, Begajt iu bë një atentat në 29 maj, ku u qëllua me 4 plumba në gjymtyrët e poshtme.
Autori i këtij atentati ende nuk ka rënë në prangat e policisë, por një ditë pas ngjarjes autoritetet zbuluan një makinë në afërsi të Lushnjes e cila u dyshua se u përdor nga autori, ndërsa brenda saj u zbulua një uniformë policie
